M.Ah님의 저널, 2019년 08월 11일

آيه هو النظام ممكن تقولوا 

ممكن نعرف النظام ويعنى ايه وجبه واحده بس ...انت تقصد واحده في اليوم 

ممكن اعرف النظام اللي حضرتك مشيت عليه 

ممكن بعد ازن حضرتك اعرف تفاصيل الدايت إللى كنت ماشى عليه بالظبط بعد ازن حضرتك  

wowwww!!good luck:) thank u to share that diet plan :) 

مكن تقولى التفاصيل 

طبعا كل واحد و كمية زيادة الوزن و طبيعة جسمه بتفرق عن التاني ... انا ببساطة ماشي علي نظام قارطاي بس منعت المسموحات القليلة زي البقوليات و الفول .. و بكنت باكل قد كف اليد مكسرات غير محمصة و غير مملحة و بحط عليها ملح بحري بكمية قليلة من عندي و بيض مقلي في السمنة البلدي و سلطة و ٥ زيتونات... و كنت بمشي بخطة قارطاي و هي الاكل بالتوازي من كل مكون و الغداء كان نفس الحاجات تقريبا بس ما عداء البيض باكل بروتين حيواني حوالي نص فرخة لو لحمة ذات دهون عالية ... اول اسبوع كنت بجوع بليل فاصبر نفسي بخياراية او طماطماية ... بس كنت مانع تماما جميع البقوليات و المخبوزات حتي المصنوعة من المكسرات و جميع السكر الصناعي و طبعا مانع الفاكهة تماما يعتي قارطاي بس مانع مسموحاته اللي ممنوعة في الكيتو الكلاسيكي و ملتزم بشرب كمية كبيرة من المياة( بول ليس شفاف بل اصفر خفيف اللون ) مع تعويض الاملاح حتي لا ياتي اعراض نقص الاملاح و اتمني اكون وضحت الطريقة بشكل جيد 

و كنت بستخدم البرنامج هنا عشان اتاكد اني باكل اكتر من ٨٠٠ كالوري و اقل من الكالوريز اللي جسمي محتاجها 

و ملتزم بخطة الصيام المتقطع في قارطاي يعني وحبتين فقط و بينهم ٥ او ٦ ساعات علي الاقل و اخر وجبة قبل ٨ بليل و كنت لما احس بالجوع اشرب مياة .. اول اسبوع اصعب اسبوع طبعا بعد كدا الدميا كانت اسهل  

و بالنسبة لليورك اسيد .. انصح اي واحد يتبع الانظمة دي انه يتاكد ان كيتونات الدم عنده مش زيادة عن ٣ و مش اقل من ١ .. لان الزيادة اظاهر ليها علاقة بصعوبة تعامل الجسم معاها و بالتالي الكلي بتخاول تتخلص من الكيتونات الزيادة و تسيب اليورك ده غالبا اللي عاملي مشكلة و ماشي علي ادوية اليورك و باذن الله اجيب جهاز الكيتونات و اقيس بشكل دوري  

انا مش عارفه اقلب التطبيق بالعربي هتجنن 

شكرا ليك على هذا الشرح. بس من الواضح انه مش سهل :)) ربنا معاك 

نصيحتي ليك فيما يخص اليورك اسيد شرب عصير الكرفس أو ملعقة صغيرة من بذور الكرفس ويتحط عليهم كوب ماء مغلي وتغطى جيدا وتتشرب بعد ربع ساعة وكمان اكثر من عصير الليمون بدون سكر، ولن تجد أثر لليوريك أسيد ان شاء الله وعن تجربة 

هو صعب اه بس الحمد لله بان جدا عليا بدون جوع غير قليلا و اغلب الوقت معدتش بفكر في الاكل .. ده غير طبعا لبس ملابسي اللي بقالي فترة كبيرة نش عارف البسها ... و حبيت انقل خلاصة التجربة حتي لا يقع الاخرين في نفس اخطائي .. و بالتوفيق للجميع 

شكرا فتحي علي النصيحة .. الاحساس باعراض ارتفاع اليوريك اسيد اول مرة تيجيلي لما عملت النظام ده .. و لما زودت في اكل اللحمة الحمرا و الموزة تحديدا قللت جدا مصادر اليورك لفترة و بعدين هجيب جهاز الكيتونات لتزويد كمية الكارب حتي تحسين نسبة الكيتونات ... و طبعا بشرب مياة بليمون و منتظم علي الدوا و هشوف موضوع الكرفس 

انا باكل واجبه واحده فى اليوم هوصحى ولا غلط وهل حد جربها وأثرت عليه بعد فتره ولا لاء ارجو الرد بعد اذنكو 

هو ايه نظام قراطاي يا جماعه انا من عشاق الفاكهه ماقدرشي امنعها  

نظام قارطاي هو نظام منخفض الكاربهيدرات و مرتفع الدهون و لكنه اسهل من الكيتو حيث يسمح باللبن و ببعض البقوليات بكمية قليلة و ايصا قارطاي مناسب اكتر للحوامل و المرضعات حيث يوجد نظام قارطاي لهاتين الفئتين ... و ايصا النظام يعتمد علي الصيام المتقطع و علي اكل وجبتين فقط .. 

وجبة واحدة في اليوم كفاية بشرط اكل كميات كافية من الطعام يعني ما لا يقل عن ٨٠٠ كالوري عشان الجيم ميدخلش في مجاعة .. 

للاسف يا ولاء قارطاي يمنع الفاكهة باستثناءات بسيطة و لكنه يسمح بها للحوامل علي ما اظن .. دوري علي اليوتيوب علي فارطاي و هتلاقي فيديوهات بتشرح اكتر